【Mazda】Mazda 121「熊仔鈴」米白色手繪短袖T Shirt

有別於我哋賣開嘅短袖T恤，呢隻嘅Cutting係更加偏向鬆身，而且物料方面改用咗液氨綿，棉纖維經過液氨處理後，表面變得光滑，不論係柔軟度同回彈性都比起純棉T恤更有質感。最正係呢隻物料非常透氣，哪怕好似肥To咁大汗都唔會焗到臭哂，絕對係夏天恩物。

萬事得嘅經典車款又點止得MX-5同RX-7呢，身穿「熊仔鈴」嘅萬事得121 Funtop都係一代人嘅集體回憶，乜都講情懷嘅Tutu自不然都忍唔住手為121設計咗件手繪T-Shirt。